Əlbəttə ki ilk növbədə dişi çəkən həkimin təlimatlarına qəti sürətdə əməl etmək lazımdır.

Çünki çəkilən dişin vəziyyətini, çəkim zamanı olan problemləri, çənə sümüyünün vəziyyətini

məhz o həkim bilir və buna uyğun təlimatlar verir.

Çəkilən dişin yerinə yerləşdirilən steril tampon təxminən 20 dəqiqə sonra çıxarılmalıdır.

Az qalmamalıdır ki, qanamanın durması üçün kifayyət qədər vaxt keçsin.

Çox da qalmamalıdır ki, yaraya yapışmasın və təkrar qanamaya səbəb olmasın.

Çıxarılan tampon yenisi ilə əvəz olunmamalıdır.

Mümkündürsə yara açıq, amma təmiz şəkildə qalmalıdır.

Yaranın üstünə hər hansı bir dərman və ya dezinfeksiya edici məhlul qoyulmamalıdır.

Ağız su və ya hər hansı bir məhlul ilə yaxalanmamalıdır.

Bu yaranın üstündə əmələ gələn qan laxtasını yaradan qopardacaq və ya laxtanı əridəcək.

Beləcə yara səthi açıq qalacaq.

Bu da ya yenidən qanaxmaya və ya yaranın infeksiyaya məruz qalmasına səbəb olacaq.

Anesteziya keçənə qədər (yanı təxminən 2 saat ərzində) yemək yemək məsləhət deyil.

Bunun üçün də pasiyentə çəkimdən əvvəl yemək yemək məsləhət görürük.

Amma pasiyent özünü zəyif hiss edirsə, şirin qıda qəbul etmək olar.

Pasiyent su içmək istədiyində bunu etmək olar, amma ağızı yaxalamadan, suyu yaraya mümkün olduğu qədər toxundurmadan etmək lazımdır.

Diş çəkildiyi gün ərzində isti və ya soyuq qida və içkilər qəbul etmək məsləhət deyil, ilıq məhsullar tərcih edilməlidir.

Bundan başqa, qıcıqlandırıcı (misal üçün duzlu, qazlı, baharatlı v.s.) qidalar qəbul edilməməlidir.

Ən azı 24 saat ərzində siqaret çəkmək və alkogollu içkilər qəbul etmək məsləhət deyil, olmaz.

Bu qanaxmaya səbəb olar çünki.

Diş çəkildiyi gün ərzində dişlər fırçalanmamalıdır.

Amma daha sonrakı günlərdə dişlər mütləq fırçalanmalıdır və ağız boşluğu mütləq mümkün olduğu qədər təmiz saxlanılmalıdır.

Diş çəkildikdən sonra əmələ gələn yaraya əl ilə, dil ilə toxunulmamalıdır.

Tez-tez tüfürülməməlidir, yara yeri sovurulmamalıdır, qətiyyən əmilməməlidir.

Bu ciddi qanaxmalara və infeksiyaya səbəb ola bilər.

Çəkimdən bir neçə saat sonra (təxminən 4-6 saat ərzində) cüzi qanama ola bilər.

Əğər qanama davamlı və şiddətlidirsə, mütləq təcili dişi çəkən həkimə müraciət etmək lazımdır.

Pasiyentin öz başına hər hansı bir tədbir görməsi olmaz, çünki bu fəsadlara yol aça bilər.

Anesteziya təsiri keçəndən sonra ağrı olması normaldır.

Adətən 6-10 saat davam edən bu ağrı şiddətli olmur.

2-3 gün ərzində zəyif ağrı ola bilər.

Əğər 2 gündən sonra ağrı davamlı və şiddətli olaraq qalırsa, dişi çəkən həkimə müraciət etmək lazımdır.

Həkim tərəfində təyin olunmayıbsa, hər hansı dərman qəbul etmək olmaz.

Analgin, aspirin kimi dərmanlar ciddi qanaxmalara səbəb ola biləcəyi üçün gətiyyən qəbul edilməməlidirlər.

Bəzi hallarda çəkimdən sonra antibiyotik qəbuluna da ehtiyyac ola bilər, amma bunu ancaq həkim təyinatı ilə etmək olar.

Diş çəkildikdən sonra üzun bağlanması, xüsusiylə isti kompres edilməsi yol verilməzdir.

Ümumiyyətlə isti duş, günəş altında qalma kimi hərarəti artıracaq hallardan qaçınılmalıdır.

Diş çəkildikdən sonra bir neçə saat ərzində, mümkündürsə axşama qədər yatmaq, hətta uzanmaq olmaz.

Bu həm hematom yaranmasına, həm də qanamaya səbəb ola bilər.

Diş çəkildikdən sonra 1-2 gün ərzində idman etmək, ağırlıq qaldırmaq kimi təzhiqi artıracaq fəaliyyətdən qaçınılmalıdır.

Qan təzhiqinin artması yaranın açılmasına, qanaxmaya səbəb ola bilər.

Pasiyentlər bilməlidirlər ki, yaranın bağlanması 7-10 gün ərzində olur, tam yaxşılaşma isə təxminən 4-6 həftə ərzində olur.

Hər hansı bir fəsad əmələ gəldiyində (şişmə, qanaxma, keyləşmənin keçməməsi v.s.) gecikmədən həkimə müraciət etmək lazımdır.

Pasiyentin vaxt itirməsi və ya öz başına tədbir olması ciddi fəsadlara yol aça bilər.